تحدث الإعلامي لطفي العماري خلال مداخلة له في برنامج “تحت السور” الذي يبث على قناة التاسعة ، عن الفنانة الشعبية الراحلة فاطمة بوساحة معتبرا انها شخصية لن تتكرر.
و قال العماري ” انا حصلي الشرف و عرفت فاطمة بوساحة بطريقة مباشرة و مشيت لدراها مرة و إثنين… وقعدنا في الزقيفة تلقاها ناصبة البراد على الكانون وتعملك كويس تاي أحمر يعمر الراس”.
و تحدث عن مدى كرمها و إنسانيتها في مساعدة كل من يقصدها قائلا “الدار متاعها عبارة على زاوية يقصدها كل من طاحت بيه الدنيا وديما تلقى فيها بالستة والسبعة نساء ، إلي طردها راجلها وإلي طردوها اماليها وإلي طردت من الخدمة وإلي مالقت ماتعمل وإلي ناوية تدخل وتولي فنانة … هذوما الكل يتلمو عند فاطمة توكل وتشرب وساعات تلبس”.
و ختم مداخلته قائلا “بقدر ما كان صوت كبير القلب كان اكبر ببرشا ، ربما تنجم تلقى صوت كيفها يتكرر أما مرا كيما فاطمة صعيب”.
المصدر : أرابيسك
-
-
-
-
-
-
