كشفت الممثلة رانيا القابسي يوم الخميس عن أحدث تطورات الحالة الصحية للفنان أحمد الأندلسي، الذي عانى مؤخرًا من أزمة صحية وخضع بنجاح لعملية جراحية. وقد نشرت رانيا تدوينة تتحدث فيها عن صحة صديقها و”و’عشيرها” أحمد الأندلسي. وقالت:
“خويا وعشيري بو حميد الرجولية والوقفة في وقت الغصرة صاحبي فنان وشباب من داخل و من برا و يحب لعباد ويموت على صحابو وعلى عائلتو ربي ما يخليهاش بيك خويا القوي منلي صغير يحارب وحدو في الدنيا و ديما كلمة “ستر الله” في فمو ديما يفدلك وديما يضحكني حتى في أخيب وقت في حياتي خويا الباهي ديما يقول حمدالله على كل شيئ…الحمدالله العملية نجحت وأحمد ماشالله قاعد يتحسن.”
ونحب نحكي على زوجتو سامية إلي واقفة معاه لحظة بلحظة الحمدالله هذيكا الزوجة الصالحة البنت العائلة إلي تلقاها أقوى من راجل في المواقف الصعيبة ربي يخليك وأنا زدت حبيتك أكثر على التعب إلي تعيش فيه على خاطر صاحبي الباهي إلي قاعد يحارب بش صحّتوا ترجع خير من قبل و أحسن.
المرض إبتلاء من عند الله للعباد إلي يحبهم ندعيلك من كل قلبي ترجع لاباس في صحة جيدة ربي يشفيك يا صاحبي ربي يشفيك الله يشفيك
ربي يقويك ربي يرجعلك صحة بدنك”.
المصدر : الصريح أون لاين
-
-
-
-
-
-
