الفنانة درصاف الحمداني: كنت باش نحضر في ”ديما لاباس” لكن ماعادش يهزو عليا التلفون

عبّرت الفنانة التونسية درصاف الحمداني، اليوم الأربعاء 23 جوان 2021، عن امتعاضها من معاملة فريق برنامج “ديما لاباس” للاعلامي نوفل الورتاني.

وقالت في تدوينة على حسابها الرسمي “فيسبوك” : “اليوم صارتلي غريبة كنت من المفروض نصور مع نوفل الورتاني برنامج ديما لاباس اللي هي آخر حلقة في الموسم… البارح رجعنا انا و المنتج متاعي كلمنا المساعدة المنسقة للبرنامج اللي سبق و اتفقنا معاها قبل ما نسافر و نسقنا بش نصور معاهم يوم الاربعاء 23 جوان. بالطبيعة اتصلنا بالمزمزال هاذي اللي تدعي صابرين البلدي و حكيت معاها و قلتلها عندي سفر نرجع و نصورو… البارح اتصلنا مرات عديدة بالمدام و الا المزمازال هاذي و لا حياة لمن تنادي و بالطبيعة طفاونا و لا هزت التليفون و لا رجعت طلبت بش تعتذر…. بعد ما روحت من فرنسا وين استقبلوني كأميرة نلقى روحي في بلادي ما يهزوش علينا التليفون ويقوم تعويضك من غير ما يعلمك حتى حد… و طبعا شكون همو فيك انت جيت على خاطرهم و الا برمجت لبسة و مكياج و نهار كامل خليتو فارغ على ذمتهم… شكرا جزيلا على حرفيتكم يا جماعة “ديما لاباس”.

المصدر : تونسكوب